بشاير - كيهك صباحك مساك… تقوم من فطورك تحضّر عشاك

كيهك صباحك مساك… تقوم من فطورك تحضّر عشاك

#أيام_قليلة_ويبدأ_كيهك …

الشهر اللي قالوا عنه زمان:

"كيهك صباحك مساك… تقوم من فطورك تحضّر عشاك"

لخدمة اسأل خبير مع دكتور دكتور محمد علي فهيم حمل تطبيق بشاير من هنا

https://linktr.ee/bashaier.net

وإنه "برد فوق وبرد تحت"… يعني البرد يغلّف البيت من فوق ومن تحت!

ولأنه كيهك بحق وحقيقي…

فلازم نستعد… ونفهم إن دخول هذا الشهر بيغيّر شكل الجو والزراعة سوا…

🌧️❄️ ولأنه كهيــك… الجو اللي بيعمل شتاء بجد:

✓ بيخلينا نشوف الشتاء الحقيقي يعوّض احتياجات البرودة… ويطمن أصحاب مزارع الزيتون والمتساقطات.

✓ جو ممتاز للقمح والفول البلدي اللى اتزرع من فترة.

✓ جو مثالي للتحجيم الطبيعي للبطاطس الشتوي في آخر عمرها، وللبنجر العروة الأولى، والبصل المقوّر.

✓ جو جيد فى مجمله للتلوين والتحجيم في البرتقال والفراولة والطماطم.

✗ ضعف واضح في نمو الحبوب العطرية (كمون – يانسون – كراوية – شمر).

✗ ظهور أعراض نقص الفسفور في أطراف ورق مشتل البصل والثوم المتأخر.

🌬️🌧️ وقبل ما يهلّ علينا كيهك الحقيقي… لازم نركّز على الآتي:

1️⃣ الانتهاء قدر الامكان من زراعة القمح خاصة الوجه البحري،

وتكثيف إضافة الفسفور للفول في الوجه القبلي،

والانتهاء تمامًا من زراعة الكتان في الوجه البحري.

2️⃣ التخلص من الوِش الأول للبرسيم،

والتركيز على الوِش التاني:

📌 إضافة السوبر المحبب

📌 والتسميد بالماب أو حامض الفسفوريك مع الري.

3️⃣ المحاصيل اللي بتتزرع بالبذور والحبوب “الجافة”:

◀️ نقع البذور في محلول نترات بوتاسيوم + فوسفات أحادي بوتاسيوم المخفف يحسّن الامتصاص في الجو البارد (قمح – شعير – بسلة شتوي).

4️⃣ والمحاصيل اللي هتتزرع بالشتلات:

◀️ تطهير الشتلات وغمسها في منشط جذور يساعدها على التجديد السريع في البرد.

5️⃣ البطاطس الصيفي المزروعة اللى هتنزرع بدري، وكل الخضر والفراولة:

◀️ لازم يكون التركيز عالي الفسفور + بوتاسيوم فوسفيت + ماب.

⚠️ أهم 6 أمراض لازم ناخد بالنا منهم دلوقتي:

✓ العفن الرمادي (بوترايتس)

✓ التبقع العادي (ميكوسفيريللا) – على الفراولة

✓ الندوة المبكرة – طماطم وصوب فلفل

✓ اللفحة المتأخرة – البطاطس الشتوي

✓ لفحة الاستيمفيليوم واللفحة الأرجوانية – ثوم وبصل

✓ العفن الأبيض – الفاصوليا

ومع برودة الليل…

هتبدأ تقل إصابات البياض الدقيقي على الطماطم والفراولة.

🍅 #طماطم_الصعيد:

التحجيم والتلوين هيضعف شوية…

◀️ الحل: سترات أو نترات أو أسيتات البوتاسيوم رشًا، مع بورون منخفض.

🫒 #مزارعي_الزيتون:

استعدّوا لضبط الموسم…

التقليم من دلوقتي مهم جدًا،

واحتياجات البرودة “المتصلة” مهم جداً المتابعة عشان هيترتب عليها كتير من العمليات اللاحقة .

🍑 #محاصيل_الفاكهة (خاصة المانحو):

الخدمة الشتوية لازم تكون نوعية وتنتهي قبل بداية كيهك:

📌 سلفات زنك

📌 سلفات منجنيز

مع أسمدة الخدمة الشتوية العادية.

🍇 #مزارعي_العنب:

ممنوع الاستعجال في رش كاسرات السكون…

واحذر من كل اللى قام بالرش خلال الايام اللى فاتت مطلوب منك عمليات واجراءات اهمها الاستعداد للبرودة المتأخرة لانها هتقلل الخصوبة وهتعمل مشكلة فى مستوى التخريج وخلافه ...

سيب الشجر ياخد أكبر قدر من البرودة طبيعيًا وبلاش نظام المقامرة (التضحية بالشجرة مقابل السعر العالى البدري) ... الشجرة هتزعل وتزعلك بعدين .. .

🍌 #مزارعي_الموز:

لازم الشجر يعمل مخزون عناصر قبل البرد:

📌 سلفات بوتاسيوم

📌 فولفيك

📌 ماب (عالي الفسفور)..

#في_النهاية ...

1️⃣ كيهك على الأبواب… والبرد يعلن بداية الشتاء الحقيقي!

2️⃣ أيام ونستقبل كيهك… شهر البرد الغلّاب !

3️⃣ كيهك يبدأ… ومعاه البرد اللي يغيّر شكل الأرض والزراعة!

4️⃣ قبل كيهك … خطوات لو اتأخرت هتدفّعك كتير!

📌 #المختصر_المفيد:

قيراط تركيز… خير من فدان رِحرِحة.

معندناش شغلانة إلا الزراعة.

خد بكل الأسباب… والنتائج على الله.

اعمل مشاركة…

ومتكتفيش إنك تحتفظ بالكلام لنفسك…

المنشور حق لكل الناس… ساهم في وصول المعلومة للي محتاجها.

دمتم طيبين… وموسم خير وبركة علينا كلنا 🌱

أستاذ دكتور / محمد علي فهيم

رئيس مركز معلومات تغير المناخ

مركز البحوث الزراعية

2 ديسمبر 2024 م

23 هاتور 1742 ق

11 جمادى الثاني 1447 هـ

كيهك صباحك مساك… تقوم من فطورك تحضّر عشاك

الملخص المفيد

كيهك صباحك مساك… تقوم من فطورك تحضّر عشاك

المشاركه علي منصات التواصل الأجتماعي

عدد المشاهدات